Uwaaaa......sob sob sob ....

Hurmmm... lelengau endar aku ka update blog aku tu. Shiinuuu meda ia enda dipeduli ke aku seminggu-minggu tu. Asai ke ka merap pala tangga blog laban nadai diintu. Nyau repa gamal jalai. Ukai nama enda ulih update blog tu. Isi enda entu nyamai. Belebuh ari minggu dudi aku berasai enda nyamai perut. Kumbai aku ketegal jugal, empa ke aku trisilox agi ga aku pedis perut. Ditekan-tekan aku perut aku bisi ga nya tekentut. Engka tak enda lama ga pemedis aku tu ko aku.

Nyau ke lama nyu masuk ari ke 3, 4, 5 nyau lain asai ati. Nadai bangat jugal ngelama tu ko aku. Enti aku driving, nama jalai nya bisi berentak perut aku asai ka pecah. Ulih aku nan ke baka ke bisi telih dalam nyin. Tegal bedau bisi ari, aku bedau nganjung diri beperesa ngagai klinik. Nya lemai tu tadi laban ke bisi ari mimit aku pan nganjung diri beperesa. Becerita la aku tu tadi A-Z ngagai tuan lutur, ia alu meresa blood pressure aku. Udah nya alu asuh ia gali aku tegal ia ke mersa perut aku. Tekan-tekan ia perut aku... berasai endar pedis nyu merengik aku. Asai ke udah kena tumpu ba abi telih sepi aku. Udah nya didinga ia perut aku ngena stetoskop nya. Semua muscle perut aku asai ke tengkering. Dahnya ia madah perut aku kalu maioh angin. Enda nemu nama kebuah angin enda pansut. Ia madah ka ngejek aku. HuHuHu... lama amat dah enda kena jik lutur. Kumbai aku ba lengan aja... nemu nya ba punggung... pu neh ... ternoda meh punggung ku ke montok jamah jik lutur. Maya ke nulis tu pan agi tengkering asai perut. Enti udah makai lagi baru ka makai ubat.

Enggai enda maya ke ka semak gawai tu ga sakit. Enti majak, keni ka enggau orang ngansar ke kaki deh? Tusah...

Sara Jane Lulung