Wednesday, April 29, 2009

Uhuk! uhuk! (sedekan batuk)




Uhuk-uhuk! Nyah … nama penyadi deh? 2 hari nadai kerja.. bulih MC ari tuan lutur. Tak naka-naka meh anak mensia anak uda nama udah kena penyakit, alu enda ulih engkebut agi. Panjai asai ujung minggu laban alu cuti ari satu enggau ari dua tu tadi. Ingin asai ka nambah cuti ari 3 enggau ari 4, ngambi ke seminggu sekali kenu ko. Tang sayau ga ke cuti laban paln ka sambung cuti gawai ila. Ngambi ke lama agi begulai enggau bala diri sebilik maya ke cuti. Nama utai di adu sekumbang ke gegaring nat ke pemedis? Macha novel lama suba. Lelengau asai anak ati dalam nyin. Ngenang ke campus life kelia. Rindu endar macha novel ke tebal-tebal. Sekumbang ke udah gawa endang sigi nadai ari ka macha buku. Lebih agi diatu laban ke gawa sambil belajar, nadai alai ngachuk ke tunjuk sema ke jaku. Banding ke pengidup maya agi sekula menya, cukup nyamai pengidup. Duit pan orang ga meri. Maya ke buruk alu escape ga ari kelas. Nasib nyadi mensia munyi ko orang tuai. Haha… diatu, nadai duit pan tat ke aja nganti ke gaji ujung bulan… enti lembau asai dani pagi pan mesti mansal diri nurun kerja. Enggai nyadi enda magas ke diri empu, enggai ke nadai gaji ujung bulan ila.  …. Ngantuk mata udah makai ubat. Enda entu bisi idea nama utai ka ditulis, berasai lelengau lama nadai ngisi blog tu. Bisi ga editing layout memimit. :P … pegila lusa betemu baru …

~cheers~
Sara Jane Lulung.

0 comments:

 
Shimmering Lone Star © 2008 Template by Exotic Mommie Illustration by Dapina